Мама Муабет на Екс со Сара Мицеска Зафироски

💔 Најтешкиот момент во моето мајчинство беше кога…

Секоја фаза од растењето на детето носи свои предизвици, но најтешко ми е во периодите кога треба да се грижам за сите околу мене, а притоа никој не забележува дека и јас сум уморна и дека и мене ми треба поддршка.

 

✨ Пресвртна точка во тоа како ја доживувам улогата на мајка беше кога сфатив дека…

Мајчинството ме научило колку јас сум посилна отколку што сум мислела.

 

🕰️ Да можам да го вратам времето, би…

Би си дозволила повеќе да уживам во првите месеци по раѓањето на моето дете. Наместо постојано да бидам под стрес дали сè правам правилно, би била поприсутна во моментите кои денес ми се магливи и недоволно запаметени.

 

☕ Кога сум уморна и преоптоварена, најефикасно ми е да…

Направам кратка пауза од сè и да си земам 2-3 часа одмор сама за себе….. I am just a girl too… 🥹

 

💡 Најважната лекција што ја научив од моите деца е…

Искрената радост најчесто доаѓа од наједноставните моменти.

 

😨 Мојот најголем страв како мајка е…

Дали правам доволно добро за моето дете, дали расте здраво, сигурно и во средина што ѝ носи љубов и правилен развој. Исто така, често се прашувам како ќе ја прифати општеството и дали ќе има среќно, исполнето и убаво детство.

📚 Нешто што би сакала да го знаев пред да станам мајка е…

Никој никогаш не е целосно подготвен за мајчинството и дека најмногу се учи низ самото искуство. Постојано се преиспитувам дали правам сè доволно добро, но со време сфатив дека грижата, посветеноста и желбата сè да биде како што треба, веќе значат многу.

 

😥 Најчесто се чувствувам виновна како мајка кога…

Не можам да му го дадам најдоброто од себе на своето дете, затоа што сум исцрпена.

 

💡Најдобриот совет што го добив за мајчинството беше…

Никој не го познава моето дете подобро од мене, па затоа да си верувам повеќе на инстинктот, а помалку на туѓите мислења.

 

🫂 Осаменоста во мајчинството ја надминувам со…

Искрени разговори со луѓе што ме разбираат, време за себе (кога можам) и потсетување дека не мора сè да носам сама на свој грб.

 

Автор: Сара Мицеска Зафироски