Елена од Spectroom: Како со бебе во една рака, а свој бизнис во друга

Станувањето мајка не ме уназади – ме промени. Ми донесе нова перспектива и појасна слика за тоа што навистина ми значи. 

Но, би била нереална ако кажам дека беше лесно. Имаше период кога направив пауза од работа. Тоа остава трага – особено кога работиш сам за себе и си навикнат секогаш да си „во тек“. 🤷‍♀️

Сепак, токму по тој прекин, се вратив со уште поголема мотивација и дисциплина. 

Мајчинството ме научи да ја ценам секоја минута – да бидам поорганизирана, поефикасна и да завршам сè во работното време, за потоа да можам целосно да му се посветам на детето. 

Така научив дека може да се гради бизнис и семејство паралелно – со многу љубов, трпение и реални очекувања. 

 

Бебе во една рака, а свој бизнис во друга

Ќе бидам искрена – балансирањето меѓу бебе и сопствен бизнис не е лесно и нема совршена формула. Има денови кога сè оди по план, и денови кога ништо не оди како што си замислил/а. Но, со време научив дека не мора сè да биде совршено за да биде добро.

На почетокот сè беше предизвик – недостиг на сон, организација, грижа дали можам да постигнам сè. Но, постепено научив да поставам приоритети, да бидам пофлексибилна и да прифатам дека не секој ден е продуктивен, и тоа е во ред.

Имам среќа што имам поддршка од партнерот и семејството, што многу значи.

Денес, веќе со повеќе искуство, гледам дека мајчинството не ме оддалечи од работата – ме направи посилна, постојана и поорганизирана. Тоа чувство на баланс не доаѓа веднаш, туку се гради – со многу љубов и трпение.

 

Кога станав мајка, сè што правам доби поголема смисла

Мајчинството ми донесе нова димензија на силата – не онаа гласната, туку тивката, упорната и постојаната. Одеднаш сè што правам доби поголема смисла, затоа што сега имам мал човек кој гледа и учи од мене. 👩‍🍼

Тоа ми стана најголемата мотивација – да бидам пример, да покажам дека може да се биде и мајка и жена со свој сон и визија.

Ме научи на трпение, на истрајност и на тоа дека и кога си уморен, можеш да најдеш сила ако тоа што го правиш те исполнува.

Мајчинството ми даде појасна цел, а Spectroom стана уште повеќе од работа – стана мој личен доказ дека љубовта, трудот и истрајноста секогаш носат резултат.

Како се роди идејата за Spectroom

Идејата за Spectroom се роди природно – од љубовта кон уредување и создавање простори што носат чувство на дом. Со текот на времето сфатив дека сакам да имам нешто свое, место каде секој проект ќе биде личен и искрен. 

Најубавиот дел од мојата работа е чувството кога создавам нешто што значи нов и убав почеток за некого — домот, канцеларијата, просторот каде ќе се раѓаат нови идеи. Сакам кога оставам свој белег, кога во секој проект се гледа дека е создаден со љубов и посветеност. 

Среќна сум што имам професија што носи среќа и на другите. 

Пресвртен момент беше сознанието дека совршен момент не постои – мораш сам да го создадеш. Па решив да ја следам интуицијата и да започнам.🚀

Како Spectroom им го олеснува животот на луѓето

Преку Spectroom им помагам на луѓето да создадат простори што навистина им значат – домови и деловни простори во кои ќе се чувствуваат удобно, инспирирано и среќно.

Сакам секој проект да носи личен печат и да ја раскажува приказната на оние кои ќе живеат или работат во тој простор.

Spectroom нуди целосна изработка на проекти за ентериер, што значи дека клиентите добиваат прецизни насоки за секој детаљ – од мебел, преку распоред, до финалната естетика. Со тоа добиваат јасна визија, целосен концепт на просторот и заштеда на време и нерви.

Проектите се креирани така што максимално се искористува просторот, комбинирајќи практичност и убавина, и се доловуваат преку 3D фотореалистични рендери и 2D технички цртежи, па клиентот добива готов проект – доволно е само да започне со изведба и просторот ќе изгледа точно како нацртано.

Најубавото за мене е кога им помагам на луѓето да создадат свој нов почеток – простор што им го олеснува секојдневието и каде секој детал има значење.

Со Spectroom, не уредуваме само ентериери – создаваме простори со душа, практични, убави и инспиративни. 🛋️

Време за експерименти и ширење на приказната

Следниот чекор за мене и за Spectroom е да продолжиме да создававаме простори што носат радост и инспирација. Сакам да експериментирам со нови стилови и концепти, да воведам иновативни решенија за практичност и одржливост, и да им помогнам на повеќе луѓе да ги реализираат своите идеи за дом или деловен простор.

Исто така, личната визија ми е да ја споделувам мојата сторија и искуства со други мајки и претприемачки – како мајчинството и бизнисот можат да се балансираат, и како љубовта кон тоа што го правиш може да ги направи проектите посебни.

Сè што правам е со намера да донесе радост и исполнетост кај клиентите – тоа чувство кога започнуваш нешто ново, реновираш или создаваш простор како што отсекогаш си посакувал.

Кога го гледаш конечниот резултат, чувството е непроценливо. Таа среќа и задоволство остава траен белег – и кај луѓето, и во просторот што го создадам.

 

Порака до читателите

Кога ќе размислувате да разубавите свој дом или да направите промена од корен, јас сум тука да ве водам низ целиот процес со сигурност и внимание на секој детаљ.

Со мене ќе добиете не само убав и функционален простор, туку и целосен концепт што ќе ви заштеди време, нерви и непотребни грижи.

Работам така што секој проект е внимателно осмислен, од идеја до реализација, со практичност, естетика и чувство за вашата приказна.

Со мене, вашиот простор ќе биде не само уреден, туку инспиративен, удобен и целосно ваш – место што носи радост и задоволство секој ден. Ако сакате резултати што се видливи, јас сум тука за вас. 💪

Можете да ја следите мојата работа и моите проекти на социјалните мрежи: Instagram и Facebook како @SpectroomInteriorDesign, каде што редовно споделувам нови проекти, инспирации и моменти од процесот на создавање на простори со душа.

Исто така, сите новости и приказни може да ги најдете на мојот Linkedin профил Елена Здравков.

Со нетрпение чекам да ве инспирирам и да ве водам низ светот на уредување и дизајн!

 

Автор: Елена Здравков