Мама Муабет на Екс со Мартина Неданоска

💔 Најтешкиот момент во моето мајчинство беше кога…

Сѐ уште е тешко секое нивно разболување, најчесто во зимскиот период. Тогаш како да влегувам во друга димензија и сакам да направам сѐ за да им помогнам да оздрават што побргу.

 

✨ Пресвртна точка во тоа како ја доживувам улогата на мајка беше кога сфатив дека…

Кујната може да почека, дневната може да е во хаос, а ни јас не морам да бидам совршена, туку присутна.

 

🕰️ Да можам да го вратам времето, би…

Откажала голем број “не толку важни” онлајн работни состаноци во периодот кога работев од дома и чував дете. Сакам што помалку да ме гледаат пред лаптоп.

 

☕ Кога сум уморна и преоптоварена, најефикасно ми е да…

Дури и во најголемата галама, затворам очи само 5 минути (будна) за да се ресетирам.

 

💡 Најважната лекција што ја научив од моите деца е…

Среќата е во малите нешта и нема ништо поважно од здравјето и нивната насмевка. Сѐ друго може да почека.

😨 Мојот најголем страв како мајка е…

Здравјето на децата, нивната безбедност и околината во која ќе растат.

 

📚 Нешто што би сакала да го знаев пред да станам мајка е…

Грижата не престанува и ќе бидам уморна на ниво што не ми било познато дотогаш, но и среќна на начин што не можев ниту да си го замислам.

 

😥 Најчесто се чувствувам виновна како мајка кога…

Ќе викнам погласно за да сфатат дека сум сериозна и дека треба да се исполни тоа што сме се договориле. Во тој моментот сфаќам дека тие се само деца и за нив играта е пред сѐ.

 

💡Најдобриот совет што го добив за мајчинството беше…

Мали деца – мали обврски. Големи деца – големи обврски. Уживај во секој период од нивното растење, тоа не се враќа назад.

 

🫂 Осаменоста во мајчинството ја надминувам со…

Се потсетувам себеси дека и оваа фаза ќе помине. Не можам да кажам дека се чувствувам осамена, бидејќи свесно одвојувам време за себе и прошетка, за сè што ме потсетува дека и јас сум тука, не само како мајка, туку и како жена, личност, душа.

Со добра организација и приоретизирање, за сѐ се наоѓа време!

 

Автор: Мартина Неданоска