Сега кога имам деца, навистина немам време да размислувам за моите кариерни амбиции. 😳
Решение: Помалку скролање на социјалните мрежи, повеќе време поминато во едукација, себе-рефлектирање и разговори со луѓе што те инспирираат.
Имам грижа на совест дека не поминувам доволно време со децата бидејќи морам да работам.
Решение: Фокусирај се на квалитетот на времето што го поминуваш со твоите деца и елиминирај секакви дистракции кога си со нив.
Откако имам деца, не чувствувам дека можам да напредувам во кариерата, ниту пак сум добила унапредување или покачување на плата.
Решение: Во погрешна компанија си! Ако компанијата во која што работиш чувствуваш дека те уназадува и дискриминира затоа што си родител, што правиш уште таму? 👀
Кога ќе ги споделам моите кариерни амбиции, чувствувам осудување од околината, бидејќи од мене се очекува целото мое внимание и енергија да ми бидат насочени кон детето.
Решение: Околината секогаш ќе те осудува, без разлика што и да правиш. Ти најдобро знаеш каква мајка/татко сакаш да бидеш, а со тоа и каков пример ќе му дадеш на своето дете.
Не можам да постигнам баланс помеѓу работата и семејството.
Решение: Наместо слепо да се стремиш кон баланс, постави строги граници и приоритети – балансот ќе си дојде како резултат на тоа.
Себично е да се грижам за себе кога сум родител, да одам на масажа, вежбање, медитација.
Решение: Не можеш да го дадеш тоа што го немаш! Само среќна мајка/татко растат среќни деца. 💡
Јас морам буквално сè да направам дома, зашто никој друг нема да може да ги направи работите како мене. Тоа ме прави да се чувствувам прегорено и да немам енергија за ништо.
Решение: Делегирај, делегирај, делегирај. Ќе се изненадиш колку луѓето се спремни да ти помогнат и колку навистина сакаат да се чувствуваат корисно.
© 2023 Created with love